“If you read any book this year, this is the one.” —Coffee Time Romance

Hierdie boek deur die bobaas outeur (The Mountain Between Us) Charles Martin vertel die aangrypende verhaal van ‘n man met ‘n pynlike verlede, ‘n klein dogterthjie met ‘n onsekere toekoms, en hul gesamentlike reis na hartsgenesing.

Die verhaal begin in ‘n stil, obskure klein dorpie waar ‘n sewejarige dogtertjie eiehandig haar lemonade by ‘n stalletjie verkoop. Vol energie, maar met ‘n pyn wat nie weggesteek kan word nie. Nie eers haar pragtige, geel rokkie kan die lelike litteken op haar bors verberg nie.

Nadat haar laaste kliënt – ‘n bebaarde vreemdeling – sy glas leeggedrink het, stap hy weg na sy motor, sy gedagtes by die boot wat hy besig is om te restoreer by die meer daar naby. Hierdie vreemdeling weet egter meer van die litteken as wat hy wil erken. Dan wanneer ‘n skedonk van ‘n vragmotor om die draai kom met radio al blêrend in die wind, het die tyd aangebreek. Dié tyd waar twee mense se lewens ingrypend verander.

Voor die einde van hulle reis sal beide van hulle weet waarom krieke huil … en dat wonderwerke om onverwagte draaie lê en wag.