Die Sertifikaat in Dissipelskap is 'n Vlak D kursus wat bestaan uit 'n kombinasie van Bybelkundige en Teologiese kursusse gekombineer met noodsaaklike lewensvaardigheidskursusse wat ten doel het om diegene in die lokale kerk wat hulself wil bemagtig en toe te rus om geestelike werkers en leiers te wees.

Module 1 (21 Krediete)

1.  MSG - Studiegids & Proses (Gratis Vakeenheid)
2.  CHB1 - Basiese Christelike Beginsels I (12 krediete)
3.  MPX1 - Bedieningspraktyk (9 krediete)

Module 2 (16 Krediete)

4.  OTS1 - Ou Testamentiese Studies I (5 krediete)
5.  CMB - Basiese Rekenaarvaardighede (2 krediete)
6.  VCH - Christuswaardes (7 krediete)
7.  UDT - Tydsbesteding (2 krediete)

Module 3 (12 Krediete)

8.  CHB2 - Basiese Christelike Beginsels II (12 krediete)

Module 4 (10 Krediete)

9.  GSA - Die Evangelies & Handelinge (8 krediete)
10. LSN - Luistervaardighede (2 krediete)

Module 5 (12 Krediete)

11. DGR1 - Groei in Dissipelskap (10 krediete)
12. LRN -  Leervaardighede (2 krediete)

Module 6 (9 Krediete)

13. SLT -  Oorsig oor die Sendbriewe (9 krediete)

Die Diploma in Leierskap is 'n Vlak D kursus wat bestaan uit 'n kombinasie van Bybelkundige en Teologiese kursusse gekombineer met noodsaaklike lewensvaardigheids- kursusse wat ten doel het om diegene in die lokale kerk wat hulself wil bemagtig en toe te rus om geestelike werkers en leiers te wees. Hierdie studieprogram bou voort op die Sertifikaat in Dissipelskap (Sien Meer Inligting oor Vlak D studieprogramme hieronder).

Die Diploma in Leierskap behels die volgende ses modules wat uit dertien vakeenhede bestaan (80 krediete):

MODULE 1 (19 Krediete)

1. CVD2 - Dissipelskap (Gratis Vakeenheid)

2. MPX2 - Bedieningspraktyk (8 krediete)
3. QPV1 - Oorwinningstoerusting I (11 krediete)

MODULE 2 (14 Krediete)

4. OTS2 - Ou Testamentiese Studies II (7 krediete)
5. ICV - Kommunikasievaardighede (2 krediete)
6. MRF - Die Huwelik & Gesin (5 krediete)

MODULE 3 (13 Krediete)

7. IPR - Interpersoonlike Verhoudings (2 krediete)
8. SRM - 'n Studie van Romeine (11 krediete)

MODULE 4 (14 Krediete)

9. ISC - 'n Verbeterde Selfbeeld (2 krediete)
10 CHM1 - Christelike Volwassenheid I (12 krediete)

MODULE 5 (8 Krediete)

11. GJH1 - Die Evangelie van Johannes I (6 krediete)
12. ISC - Basiese Internetkommunikasie (2 krediete)

MODULE 6 (12 Krediete)

13. CHL1 - Christelike Leierskap I (12 krediete)

GEVORDERDE DIPLOMA IN BEDIENING - FASE III 

Die Gevorderde Diploma in Bediening 'n Vlak D kursus wat bestaan uit 'n kombinasie van Bybelkundige en Teologiese kursusse gekombineer met noodsaaklike lewensvaardigheids- kursusse wat ten doel het om diegene in die lokale kerk wat hulself wil bemagtig en toe te rus om geestelike werkers en leiers te wees. Hierdie studieprogram bou voort op die Diploma in Leierskap (Sien Meer Inligting oor Vlak D studieprogramme hieronder).

Hierdie diplomaprogram behels dertien (13) vakeenhede wat ingedeel is in ses (6) modules.

Module 1 (15 Krediete)

1. CVD3 - Dissipelskap (Gratis Vakeenheid)
2. MPX3 - Bedieningspraktyk (7 krediete)
3. OTS3 - Ou Testamentiese Studies III (6 krediete)
4. SWE - Effektiewe Gesprekvoering (2 krediete)

Module 2 (16 Krediete)

5. MPR1 - Bedieningsbeginsels I - (12 krediete)
6. MSW - Microsoft Word (4 krediete)

Module 3 (16 Krediete)

7. PCH - Christusvoorskrifte (8 krediete)
8. GJH2 - Die Evangelie van Johannes II (8 krediete)

Module 4 (13 Krediete)

9. CHL2 - Christelike Leierskap II (11 krediete)
10.MNP - Menslike Hulpbronbestuur (2 krediete)

Module 5 (12 Krediete)

11. PTR1 - Pastorale Bediening (12 krediete)

Module 6 (8 Krediete)

12. SCR - 'n Studie van Korintiers (6 krediete)
13. ENG - Engelse Vaardighede (2 krediete)

TERUG NA BO 

MEER INLIGTING OOR VLAK D STUDIEPROGRAMME  

Oorsig

Studente wat registreer vir hierdie studieprogramme vir Studiedoeleindes moet een of meer werkopdragte in elkeen van die modules tot bevrediging voltooi ten einde die Sertifikaat en/of Diploma te ontvang.  Werkopdragte behels in die meeste gevalle 'n 1 500 woord (3 bladsye) werkstuk wat deur die dosent gemerk sal word, maar kan verskil na gelang van die spesifieke vakeenheid.  'n Finale eksamen sal ook van toepassing wees. Alle studiemateriaal is ingesluit by die koste van die kursus.

Die Vlak D Studieprogramme bied aan studente die konsep van "Studie deur Boublokke/Fases". Elke boublok/fase is 'n onderafdeling en bou voort na die volgende boublok/fase. Studente verkry egter 'n kwalifikasie by voltooiing van 'n spesifieke boublok/fase en die voltooiing van 'n boublok of fase dien as krediet vir die volgende boublok. Studente mag egter uittree uit die studieprogram na voltooiing van 'n spesifieke boublok of fase en het geen verpligting om voort te gaan met studies totdat al die boublokke of fases voltooi is nie. Dit beteken dat studente, anders as in die geval van inwonende universiteite en die tradisionele model na voltooiing van hul eerste jaar (as voorbeeld) reeds 'n kwalifikasie verwerf en nie eers twee of meer jare van studie moet voltooi voordat 'n kwalifikasie verwerf kan word nie. Die Sertifikaatprogram is dus saamgestel en ontwerp om volledig ook deel te vorm van die Diploma in Leierskap. Na voltooiing van elke fase van hierdie studieprogram ontvang studente 80 krediete wat ten gunste van registrasie vir die volgende vlak benut word. Studente wat dus registreer met die doelwit om 'n Gevorderde Diploma in Bediening te verwerf volg die volgende pad na verwerwing van hierdie kwalifikasie:
Stap 1 - Registrasie en suksesvolle voltooiing van 'n Sertifikaat in Dissipelskap (Boublok/Fase I)
Stap 2 - Registrasie en suksesvolle voltooiing van 'n Diploma in Leierskap - Fase I (Boublok/Fase II)
Stap 3 - Registrasie en suksesvolle voltooiing van 'n Gevorderde Diploma in Bediening - Fase II (Boublok/Fase II)

Ons kan dit as volg illustreer:

Stap 1 - Sertifikaat in Dissipelskap.  Studente registreer vir die Sertifikaat in Dissipelskap. By suksesvolle voltooiing van die Sertifikaat in Dissipelskap, ontvang studente volle krediete vir die eerste jaar (80 krediete) van die Baccalareus in Bediening en word dan toegelaat om te registreer vir die Diploma in Leierskap.

  
  80 Krediete

Stap 2 - Diploma in Leierskap.  Studente registreer vir die Diploma in Leierskap. By suksesvolle voltooiing van die Diploma in Leierskap, ontvang studente volle krediete vir die tweede jaar (80 krediete) van die Baccalareus in Bediening en word dan toegelaat om te registreer vir die Gevorderde Diploma in Bediening.

  160 Krediete
  Sertifikaat in Dissipelskap (80 Krediete) + 80 Krediete

Stap 3 - Gevorderde Diploma in Bediening. Studente registreer vir die Gevorderde Diploma in Bediening. By suksesvolle voltooiing van die Gevorderde Diploma in Bediening ontvang studente die balans van 80 krediete (derde jaar) wat benodig word vir die verwerwing van hierdie Gevorderde Diploma. Studente benodig 240 krediete vir die verwerwing van die Gevorderde Diploma in Bediening en het dit in verskillende fases wat boublokke genoem word, voltooi. Studente ontvang volle krediete (240 krediete) vir die derde jaar van die Baccalareus in Bediening

  240 Krediete
  Sertifikaat in Dissipelskap (80 Krediete) + Diploma in
  Leierskap (80 krediete) + 80 Krediete

Die Sertifikaat in Dissipelskap is dus die eerste boublok, die Diploma in Leierskap die tweede boublok en die Gevorderde Diploma in Bediening die derde en laaste boublok.

Nota: Voornemende studente hoef egter nie die totale program te voltooi nie. Die einde van elke fase dui 'n ontrekkingspunt (exit point) aan wat beteken dat studente na die voltooiing van 'n spesifieke boublok 'n kwalifikasie kan verwerf, tydelik of permanent onttrek en selfs die keuse het om op 'n later stadium weer te registreer en dan voort te gaan by die punt waar hulle onttrek het.

Verdere Opsies na die Voltooiing van die Gevorderde Diploma in Bediening

(Slegs ter inligting - Indien u verder wil beweeg na die verwerwing van 'n Baccalareusgraad, sien Afdelings 10 - 15 van die Prospektus vir inligting oor die besonderhede van die opsies)

Studente wat die Gevorderde Diploma in Bediening suksesvol voltooi het, het nou reeds 240 krediete verwerf vir die verwerwing van 'n Baccalareusgraad. Daar word 400 krediete benodig vir die verwerwing van 'n Baccalareusgraad. Die balans van 160 krediete wat benodig word, is ingedeel in twee verdere fases (boublokke) van 80 krediete elk en studente kan nou kies watter spesialisasierigting hul wil volg. Die opsies is as volg:

Duur van Studie

Vlak D is studieprogramme wat deur afstandsonderrig en nie deur middel van korrespondensiestudies aangebied word nie. Vir die verskil tussen hierdie twee tipes van studie, sien meer inligting hieroor in die Studente en Algemene afdelings van hierdie Prospektus.

Afstandsonderrig deur middel van mentorskap beteken dat 'n student onder begeleiding van 'n studiementor die studieprogram voltooi. Studente kry toegang tot die Studiesentrum waar daar lesings in klank publiseer word wat afgelaai word en deurgeluister word deur die student. Daarmee saam ontvang studente 'n werkboek (waar van toepassing) waarin aantekeninge gemaak kan word en wat die hoofmomente van elke lesing bevat. Addisioneel tot u handboek word u begelei deur die studieprogram stap vir stap. Die hoeveelheid werk wat publiseer word per lesing is ongeveer een uur studie per lesing, Ons verwag van studente om ongeveer ses na tien ure per week aandag te gee aan hierdie studieprogram, en een addisionele uur vir afronding. Indien u hierdie program volg, sal u gemaklik die studiemateriaal en program kan baasraak en voltooi. Die lesings en werkboek is egter so uitgewerk dat studente wat agter raak, baie maklik kan opvang deur slegs 'n bietjie harder te werk in opeenvolgende weke. Studente hoef nie aanlyn te luister na lesings nie, maar kan die lesings aflaai en in die gerief van hul eie huis daarna luister en notas maak. U word begelei op 'n akademiese vlak, maar ook op 'n geloofsvlak deur u studiementor. U werk u eie studierooster uit per week, per maand, per jaar. Op hierdie wyse kan u binne een jaar gemaklik die studieprogram vir elke fase voltooi. Daar is egter 'n maksimum tydsbeperking vir die voltooiing van die studieprogram. Ons gebruik egter kriteria wat studente in staat stel om gemaklik deur die studiemateriaal te beweeg en aan die vereistes te voldoen met in agneming van die unieke omstandighede van deeltydse studente soos genoem hierbo. Die maksimum termyn vir die voltooiing van elke fase van 'n Vlak D studieprogram is 3 jaar per fase (ongeveer 2 ure studie per week). Indien u dus al drie die boublokke wil voltooi, sal u 'n maksimum van nege jaar kry om dit te doen.

Ons verwag egter van studente om erns te maak met hul studies en die program waarvoor hul registreer te voltooi.  Dus verskaf ons sekere riglyne aan studente wat hul in ag moet neem voordat hulle besluit om te registreer. Hierdie riglyne gee aan u die basis sodat u self die tydperk kan bepaal vir die voltooiing van die spesifieke kwalifikasie.  Deur hierdie riglyne te benut, kan studente ook bepaal hoeveel tyd hul aan hul studies per dag, week of maand behoort te spandeer.

Die riglyne is die volgende:

• Vir alle Vlak D Studieprogramme beveel ons aan dat studente die studieprogram versprei oor 'n tydperk van een kalenderjaar per fase.  Die volume van materiaal asook vereistes wat gestel word is van so aard dat dit 'n deeltydse student met gemak 'n kalenderjaar sal neem om te voltooi. Voltydse studente kan al vyf die fases in drie jaar gemaklik voltooi.

• Indien 'n studunt die kwalifikasie (Fase) wil voltooi binne een kalenderjaar, beveel ons aan dat u tussen 3-6 ure per kredietpunt sal benut. U behoort dus gemaklik die studieprogram binne 'n tydperk van 24 tot 42 weke te voltooi.

• Hierdie riglyn is van toepassing op deeltydse studente.

• Deeltydse studente behoort dus 'n gemiddeld van tussen 6 en 12 ure per week tot hul beskikking te hê.

• Indien studente hierdie formule as riglyn gebruik kan hul enige tyd na ontvangs van die studiemateriaal met inagneming van die moeilikheidsgraad bepaal of hul dit vinniger kan voltooi.

Krediete

Na voltooiing van elke fase van hierdie studieprogram ontvang studente 80 krediete per fase wat ten gunste van krediete in enige ander studierigting van toepassing gebruik kan word.

TERUG NA BO


TOELATINGSVEREISTES VIR VLAK D STUDIEPROGRAMME  

Die minimum toelatingsvereistes vir registrasie in hierdie kursusse en/of vakeenhede is die volgende: 

• Graad 12, alternatiewelik Graad 10 en ouer as 22 jarige ouderdom

• 'n Liefde vir God en Sy Woord

• 'n Onderneming om erns te maak met u studies

• 'n Verbintenis om die kursus/vakeenheid te voltooi waarvoor u registreer

• Die besit van 'n Bybel

Vir die Diploma in Leierskap

• Die Sertifikaat in Dissipelskap

• 'n Liefde vir God en Sy Woord

• 'n Onderneming om erns te maak met u studies

• 'n Verbintenis om die kursus/vakeenheid te voltooi waarvoor u registreer

• Die besit van 'n Bybel

Vir die Gevorderde Diploma in Bediening

• Die Diploma in Leierskap

• 'n Liefde vir God en Sy Woord

• 'n Onderneming om erns te maak met u studies

• 'n Verbintenis om die kursus/vakeenheid te voltooi waarvoor u registreer

• Die besit van 'n Bybel

Die onderrigmedium is Afrikaans, maar werkopdragte en eksamens kan in die taal van u keuse voltooi word. Daar is egter sekere vakeenhede wat Engelse studiemateriaal het. Ons is egter tans in proses om studiemateriaal in Afrikaans te vertaal en beskikbaar te stel. Enkele klankbane en dokumente is alreeds in Afrikaans beskikbaar vir kursusse waarvan die studiemateriaal slegs Engels is, maar die meeste lesings wat aan studente gebied word, is in Engels..Alle studiemateriaal vir die hoofvakke van u kursus, is reeds in Afrikaans beskikbaar.

TERUG NA BO


ERKENNING VIR VORIGE STUDIES / KWALIFIKASIES  

Met betrekking tot Vlak D Studieprogramme gee ons ten volle erkenning vir vorige studies en kwalifikasies. U doen aansoek deur middel van RPL beginsels soos vervat in die Onderwyswet en krediete word toegestaan indien u aan die beginsels van RPL (Recognition of Prior Learning) voldoen. In sommige gevalle word oorbruggingskursusse aanbeveel en u hoef dan nie al die vlakke van studie te voltooi nie. Indien u voorheen studeer het en reeds kursusse voltooi het en/of kwalifikasies behaal het, kontak ons vir meer besonderhede.

TERUG NA BO


KOSTE VAN VLAK D STUDIEPROGRAMME  

In die geval van registrasie vir Vlak D studieprogramme, word geen aansoekfooie gehef nie, maar daar is 'n registrasiefooi van R250.00 van toepassing.  Die koste wat wel gehef word, is absoluut minimaal vir ‘n studieprogram van hierdie omvang en word moontlik gemaak deur borgskappe en gratis dienste van vrywilligers wat betref die voorbereiding van studiemateriaal en die bestuur van die studieprogram.  ‘n Soortgelyke studieprogram kan by ander instansies selfs soveel as R 13 500.00 per jaar kos. U kan nou u Baccalareusgraad behaal vir ongeveer R 18 000.00 (versprei oor 5 jaar) in die gerief van u eie huis. 'n Ten volle akkrediteerde graad in die bediening is nou vir u 'n realiteit.

KRITERIA VIR SUKSESVOLLE VOLTOOIING VAN STUDIEPROGRAM

Die werkopdragte wat ingehandig word deur studente sal 40% van die totale kursuspunt behels.  Die gewig van die finale assesering in die vorm van 'n oopboek-eksamen in die konteks van u fanale punt is 50%. Die ander 10% van u punt word opgemaak deur u aktiewe deelname in die Studiesentrum bv. antwoord van besprekingsvrae, deelname aan besprekingsforums, aantal besoeke en aktiewe insette wat gelewer word, ens. 'n Finale slaagsyfer vir alle vakeenhede op hierdie vlak van Studie is 60%. Die kriteria wat toegepas word vir die slaag van vakeenhede is as volg:

TERUG NA DIE HOOFBLAD VAN PROSPEKTUS