|
Meer
oor die Kursus
Die Sertifikaat
in die Christelike Geloof is 'n nie-geakrediteerde Vlak A en/of
Vlak B (Sien
die Prospektus 2010) kursus wat belangrike konsepte van Christenskap behandel.
Hierdie kursus is gemik op diegene wat in die lokale kerk meer kennis en insig in die
bediening wil verkry. Belangrike fokuspunte is die Christelike lewe,
wat die Bybel leer oor die kerk, vervulling met die Heilige Gees en 'n
volledige studie oor die onderwerp van Dissipelskap.
Die kursus kan ook slegs vir Bybelstudiedoeleindes
geneem word as geheel of as losstaande vakeenhede. Indien
dit die geval is, ontvang u al die studiemateriaal en werk op u eie tyd
deur die materiaal. Geen eksamens is van toepassing nie, maar daar
word van studente verwag om werkopdragte in te handig as deel van die
program. Studente mag vir
Bybelstudiedoeleindes registreer vir die kursus in geheel en/of losstaande
eenhede. In
hierdie geval is die koste ook aansienlik minder. 'n
Brief van voltooiing sal in hierdie geval uitgereik word en nie die
Sertifikaat nie.
Studente wat
registreer vir die Sertifikaatkursus moet die werkopdrag in elkeen van die 6
kursusse tot bevrediging voltooi ten einde die Sertifikaat te
ontvang. Werkopdragte behels in die meeste gevalle 'n 1500 woord (3
bladsye) werkstuk wat deur die dosent gemerk sal word. 'n Finale
eksamen mag moontlik vereis word na voltooiing van die werkopdragte. Lees gerus
meer oor elke vakeenheid aan die regterkant van hierdie bladsy.
Vir
meer inligting, lees gerus die Prospektus 2010 op die tuisblad.
Alle
voorgeskrewe boeke, studiegidse en artikels vir hierdie sertifikaatkursus
is ingesluit by die koste van die kursus en is beskikbaar aan studente.
Daar is egter addisionele aanbevole werke beskikbaar in die aanlyn
boekwinkel en dit word sterk aanbeveel dat studente dit aanskaf.
Dis egter geen vereiste vir registrasie en/of voltooiing van
hierdie kursus nie.
U benodig geen spesiale sagteware om die voorgeskrewe materiaal in hierdie
kursus te lees nie, buiten 'n pdf leser. Indien u nie oor 'n pdf
leser beskik nie, laai gerus Adobe Reader af deur die skakel daarvoor in
ons E-Biblioteek onder die kategorie "Programmatuur" te
aktiveer.
|
Sertifikaat
in die Christelike Geloof
|
Die
Sertifikaat in die Christelike Geloof
behels die volgende ses vakeenhede: Die
Verstaan van die Christelike Lewe
Die basiese beginsels van die Christelike lewe wat nodig is om te
ken ten einde dissipel vir Christus te wees.
Dissipelskap
Opleiding
Gelowiges word geleer om die pad van geestelike volwassenheid te
stap deur hulself te sien as dissipels, soos God se opdrag in
Matteus 28:19 dan ook was.
Toegepaste
Dissipelskap Konsepte
Wat beteken dit om 'n Christenlewe te leef, ken die begrip
in-Christus en hoe moet ek as volgeling van die Here bedien?
Die
Kerk en die Bybel
'n Volledige studie oor alle aspekte van kerkwees soos beskryf in die
Bybel.
Bybelse
Beginsels vir Kerkwees
Sonder hierdie beginsels is geen kerk werklik kerk van Jesus
Christus nie. Die geheim van groeiende kerke is in hierdie
beginsels opgesluit.
Vervulling
met die Gees
'n Onderwerp wat
heelwat vrae dikwels tot gevolg het. Wat beteken dit werklik
en wat behels vervulling met die Heilige Gees?
|
Koste
van die kursus vir 2010:
- Aansoekfooie: Gratis
- Registrasie:
Gratis
- As geheel vir
Sertifikaatdoeleindes:
Aflaai van Internet: R 600.00
vir
alle vakeenhede wat deel uitmaak van die Sertifikaatkursus
Uitreik van CD, indien student dit wil bestel: + R 150.00
per
CD van ses vakeenhede. Elke vakeenheid word ontsluit met ‘n gebruikersnaam en
sleutelwoord.
Uitreik van Sertifikaat na Voltooiing: + R 150.00
Totale Koste: Sonder CD R 750.00 of alternatiewelik met CD
R 900.00 - uitgesluit versendingskoste.
'n Toegewing word onderhewig aan sekere voorwaardes gemaak indien 'n student nie die totale koste by
registrasie kan betaal nie. Sien die Prospektus 2010 vir meer
besonderhede hieroor.
- As geheel vir
Bybelstudiedoeleindes:
Aflaai van Internet: R 550.00
vir
alle vakeenhede wat deel uitmaak van die kursus.
Uitreik van CD, indien student dit wil bestel: + R 150.00
per
CD van ses vakeenhede. Elke vakeenheid word ontsluit met ‘n gebruikersnaam en
sleutelwoord.
Totale Koste: Sonder CD R 550.00 of alternatiewelik met CD
R 700.00
- Per
alleenstaande vakeenheid; slegs Bybelstudiedoeleindes:
Aflaai van Internet: R 150.00 per
vakeenheid.
Uitreik van CD indien student dit wil bestel: R 150.00 per
CD.
Student ontvang CD
met alle vakeenhede,
maar ontvang slegs die gebruikersnaam en sleutelwoord van toepassing
op die spesifieke vakeenheid waarvoor hy/sy registreer.
In die geval van herregistrasie vir daaropvolgende vakeenhede,
word slegs R50.00 per uitreik van gebruikersnaam en sleutelwoord gehef
en dieselfde CD word gebruik. Hierdie koste sluit versending van CD uit.
- Uitreik van
brief van voltooiing
Gratis
- Versending
van CD: R 50.00 per versending
|
