Meer oor die Kursus

Die Sertifikaat in Bybelstudies is 'n geakrediteerde Vlak A of C kursus (Sien die Prospektus 2010) wat die studente voorstel aan die inhoud van die Bybel asook goeie Bybelstudie metodes.  Studente word ook geleer om hierdie Bybelstudiemetodes persoonlik toe te pas op die gelowige se lewe.

Na voltooiing van hierdie kursus ontvang studente 24 krediete wat ten gunste van registrasie vir die Diploma in Bediening asook by voltooiing daarvan vir die Baccalareus in Bybelstudies gebruik kan word. 

Die kursus kan ook slegs vir Bybelstudiedoeleindes geneem word as geheel of as losstaande vakeenhede.  Indien dit die geval is, ontvang u al die studiemateriaal en werk op u eie tyd deur die materiaal.  Geen eksamens is van toepassing nie, maar daar word van studente verwag om werkopdragte in te handig as deel van die program.  Studente mag vir Bybelstudiedoeleindes registreer vir die kursus in geheel en/of losstaande eenhede.   In hierdie geval is die koste ook aansienlik minder.  'n Brief van voltooiing sal in hierdie geval uitgereik word en nie die Sertifikaat nie.  Daar is egter geen krediete wat toegeken word nie, maar erkenning vir vakeenhede geslaag sal gegee word indien studente later wil inskryf vir die Sertifikaatkursus.  

Studente wat registreer vir hierdie kursus moet ‘n werkopdrag in elkeen van die ses vakeenhede tot bevrediging voltooi ten einde die Sertifikaat te ontvang.   'n Finale eksamen sal ook afgelę moet word.   Lees gerus meer oor elke vakeenheid  aan die regterkant van hierdie bladsy.

Vir meer inligting, lees gerus die Prospektus 2010 op die tuisblad.

Alle voorgeskrewe boeke, studiegidse en artikels vir hierdie sertifikaatkursus is ingesluit by die koste van die kursus en is beskikbaar aan studente.  Daar is egter addisionele aanbevole werke beskikbaar in die aanlyn boekwinkel en dit word sterk aanbeveel dat studente dit aanskaf.  Dis egter geen vereiste vir registrasie en/of voltooiing van hierdie kursus nie.

U benodig geen spesiale sagteware om die voorgeskrewe materiaal in hierdie kursus te lees nie, buiten 'n pdf leser.  Indien u nie oor 'n pdf leser beskik nie, laai gerus Adobe Reader af deur die skakel daarvoor in ons E-Biblioteek onder die kategorie "Programmatuur" te aktiveer.

Sertifikaat in Bybelstudies

Koste van die kursus vir 2010:

• Aansoekfooie:  Gratis 
• Registrasie:  Gratis
• As geheel vir Sertifikaatdoeleindes:   
  Aflaai van Internet: R 2 250.00 vir alle vakeenhede wat deel uitmaak van die Sertifikaatkursus
  Uitreik van CD, indien student dit wil bestel: + R 300.00 per CD van ses vakeenhede.  Elke vakeenheid word ontsluit met ‘n gebruikersnaam en sleutelwoord.
  Uitreik van Sertifikaat na Voltooiing:  + R 150.00
  Totale Koste: Sonder CD R 2 400.00 of alternatiewelik met CD R 2 700.00 – uitgesluit versendingskoste.
  'n Toegewing word onderhewig aan sekere voorwaardes gemaak indien 'n student nie die totale koste by registrasie kan betaal nie.  Sien die Prospektus 2010 vir meer besonderhede hieroor.
• As geheel vir Bybelstudiedoeleindes:        
  Aflaai van Internet: R 1 200.00 vir alle vakeenhede wat deel uitmaak van die kursus.
  Uitreik van CD, indien student dit wil bestel: + R 300.00 per CD van ses vakeenhede.  Elke vakeenheid word ontsluit met ‘n gebruikersnaam en sleutelwoord.
  Uitreik van Brief van Voltooiing:  Gratis
  Totale Koste: Sonder CD R 1 200.00 of alternatiewelik met CD's    
  R 1 500.00 – uitgesluit versendingskoste.
• Per alleenstaande vakeenheid; slegs Bybelstudiedoeleindes:    
  Aansoekfooie en Registrasie:  Gratis 
  Aflaai van Internet: R 250.00 per vakeenheid, of alternatiewelik uitreik van CD indien student dit wil bestel: 
  R 300.00 per CD.  Student ontvang CD met alle vakeenhede, maar ontvang slegs die gebruikersnaam en sleutelwoord van toepassing op die spesifieke vakeenheid waarvoor hy/sy registreer.  In die geval van herregistrasie vir daaropvolgende vakeenhede, word slegs R50.00 per uitreik van gebruikersnaam en sleutelwoord gehef en dieselfde CD word gebruik.  Hierdie koste sluit versending van CD uit.
• Versending van CD:  R 50.00 per versending